Ny alahady 01 mai no nankalazanay ny Fetin’i Md Luigi Orione taty amin’ny
distrikanay aty Ankazoabo. Niara
nientana sy nifanome tànana tokoa ny fianakaviambe Orionista iray manontolo tamin’ny
fanomanana sy fikarakarana. Natomboka
tamin’ny Sorona Masina Lehibe izay notarihin’ny pretra eto antoerana Pr Jacquis
avy ao amin’ny misioneran’ny Fianakaviana Masina ny fankalazana manetriketrika
ny fety niaraka tamin’ireo kristianina rehetra teto amin’ny Fiangonana Ankazoabo;
tena maro dia maro izy ireo no niara niombom-bavaka tamin’ny fianakaviambe
Orionista.
Alohan’ny nanombohana ny Sorona Masina nisy ny fanentanana sy
fampahafantarana ny tantarampiainan’i Don Orione sy ny asany ary tsapa sy hita
tam_in’ireo kristianina fa liana dia liana ary nihetsi-po tokoa izy ireo. 
Ny fanentanana ny Litorjia dia nosahanin’ny maserarehetra niaraka tamin’ireo M.L.O. (Mouvement laical orioniste) sy Antoko
mpihira Don Orione ka nandray anjara tamin’ ny “geste liturjique” nandritra ny antsa fidirana ireo Antoko
mpihira Don Orione izay lehibebe kokoa (classe secondaire) ary nandritra ny
voninahitra ireo zandriny indrindra (prescolaire sy primaire), ny fitondrana
fanatitra dia nentina amin’ny fomba manokana izay narahina fanazavana manokana
ireo fanatitra tsirairay avy izay nentin’ny M.L.O. ny hira fisaorana kosa no
nadraisan’ny masera anjara. Tena faly sy ravo tokoa ary nankasitraka ny ezaka
ataon’ny masera amin’ity faritra ity ny kristianina ary nasongadin’ny
filoham-piangonana nisolo tena azy ireo izany. Taorian’ny lamesa dia naira niala hetaheta tamin’ireo
solotenan’ny kristianina sy ny mpiara miasa rehetra. 
Ny tolakandro tamin’ny roa ora dia mbola nitohy ny
fety nanaovan’ireo Antoko mpihira Don Orione ny “spectacle lehibe” nanehoany ny
talentany amin’ny dihy sy hira isankarazany. Feno hipoka ny tokontanin-dry
masera ary afapo ny olona tonga nijery niaiky fahaizana sy hakingan’izy ireo ka
ny masoandro maty no nampalahelo. 
Aucun commentaire:
Enregistrer un commentaire